Магистранттардың ғылыми тағылымдамасы
Магистранттардың ғылыми немесе кәсіптік тағылымдамасы (бұдан әрі-тағылымдама) магистратураның білім беру бағдарламасының міндетті бөлігі болып табылады және магистранттың жеке жұмыс жоспарына енгізіледі.
Тағылымдама магистранттың ғылыми-зерттеу (эксперименттік-зерттеу) жұмысы шеңберінде ғылыми ұйымдарда және (немесе) тиісті салалардағы немесе қызмет салаларындағы ұйымдарда инновациялық технологиялармен және өндірістің жаңа түрлерімен танысу мақсатында жүргізіледі.
Тағылымдамадан өту орнын, бағдарламаны, есептіліктің мерзімдері мен нысанын (есепке қойылатын талаптарды) магистранттың ғылыми жетекшісі/ консультанты және мамандану кафедрасы айқындайды. Тағылымдамадан өту орнын таңдау дайындық бағытына, магистрлік диссертация тақырыбына сәйкес келуі керек.
2022 жылдың 20 шілдесіндегі өзгертулер мен толықтырулармен Мемлекеттік жалпыға міндетті білім стандартына сәйкес шетелде тағылымдамадан өту кезінде тағылымдама халықаралық рейтингтерге кіретін жетекші ғылыми ұйымдарда және жоғары және жоғары оқу орнынан кейінгі білім беру ұйымдарында (бұдан әрі-ЖЖОКБҰ), оның ішінде тиісті бағыт бойынша (bySubject (бай сабджект)) жүзеге асырылады. Тағылымдаманың ұзақтығы кемінде 14 күнтізбелік күнді құрайды (10 жұмыс күні).
Жоғары және жоғары оқу орнынан кейінгі білім беру ұйымы базасында апталық жоспарды бекітеді.
Тағылымдама бағдарламасы білім беру және ғылыми компоненттердің болуын қамтиды.
Тағылымдаманы зерттеу тақырыбы бойынша зерттеулердің және (немесе) жарияланымдардың алдын ала нәтижелері бар адамдар жүзеге асырады.
Тағылымдамадан өтуге зерттеу тақырыбы бойынша алдын ала зерттеу нәтижелері және (немесе) жарияланымдары бар адамдар жіберіледі.
Шет тілінде тағылымдамадан өткен жағдайда тіл білу туралы сертификаты болуы қажет:
• Ағылшын тілі: Test of English as a Foreign Language Institutional Testing Programm (Тест ов Инглиш аз а Форин Лангудж Инститьюшнал Тестинг программ) (TOEFL ITP (ТОЙФЛ АйТиПи)) шекті балл – 163 балдан кем емес,
• Test of English as a Foreign Language Institutional Testing Programm (Тест ов Инглиш аз а Форин Лангудж Инститьюшнал Тестинг програм) (TOEFL IBT (ТОЙФЛ АйБИиТи), шекті балл – 60-тан кем емес,
• Test of English as a Foreign Language Paper-based testing (Тест ов Инглиш аз а Форин Лангудж пэйпер бэйсед тэстинг) (TOEFL PBT (ТОЙФЛ ПиБиТи)) шекті балл – 498-ден кем емес,
• Test of English as a Foreign Language Paper-delivered testing (Тест ов Инглиш аз а Форин Лангудж пэйпер деливеред тэстинг) (TOEFL PDT (ТОЙФЛ ПиДиТи)) – шекті балл – 65-тен кем емес,
• International English Language Tests System (Интернашнал Инглиш Лангудж Тестс Систем) (IELTS IELTS (АЙЛТС)) шекті балл – 6,0 кем емес;
• және/немесе неміс тілі (Германия, Австрия, Швейцария, Лихтенштейн, Бельгия немесе Люксембургте тағылымдамадан өтетін жағдайда): Deutsche Sprachpruefung fuer den Hochschulzugang (дойче щпрахпрю фун фюр дейн хохшулцуган) (DSH, Niveau C1/C1 деңгейі), TestDaF-Prufung (тестдаф-прюфун) (Niveau C1/C1 деңгейі);
• және/немесе француз тілі (Бельгия, Канада, Люксембург, Монако, Франция немесе Швейцарияда тағылымдамадан өткен жағдайда): Test de Français International™ Тест де франсэ Интернасиональ - (TFI (ТФИ)) - оқу және тыңдау бөлімдерінде B1 деңгейінен төмен емес, Diplome d’Etudes en Langue franзaise Диплом дэтюд ан Ланг франсэз - (DELF (ДЭЛФ),), B2 деңгейі), Diplome Approfondi de Langue française Диплом Аппрофонди де Ланг Франсэз (DALF (ДАЛФ), C1 деңгейі), Test de connaissance du français Тест де коннэссанс дю франсэ (TCF (ТСФ)) - кемінде 400 балл.
Нормативтік оқу мерзімі 2 жыл ғылыми-педагогикалық бағыттар бағдарламалары бойынша оқитын магистранттар 2-4 семестрде тағылымдамадан өтеді. Нормативтік оқу мерзімі 1 жыл және 1,5 жыл бейіндік бағыттағы бағдарламалар бойынша оқитын магистранттар 2 - 3 семестрде тағылымдамадан өтеді. Магистранттардың ғылыми тағылымдамасы жоғары оқу орнынан кейінгі білім беру бағдарламалары бойынша білім алушыларды қорытынды аттестаттаудан 2 аптадан кешіктірілмей өтуі тиіс. Тағылымдама нәтижелерін магистрант есеп түрінде ресімдейді.
Ғылыми тағылымдаманы ресімдеуге арналған құжаттар тізбесі
Ғылыми тағылымдаманы ресімдеу үшін магистратураның білім алушылары практика бөліміне 4 апта бұрын - Қазақстанның тиісті салаларының немесе қызмет салаларының ғылыми ұйымдарында және (немесе) ұйымдарында тағылымдамадан өту кезінде мынадай құжаттарды ұсынады:
1) 1-қосымшада көрсетілген немесе қабылдаушы тарап ұсынған нысан бойынша ғылыми ұйыммен және (немесе) тиісті сала немесе қызмет саласы ұйымымен тағылымдамадан өтуге арналған шарт. Ғылыми тағылымдамалар мәселелерін көздейтін ынтымақтастық туралы шарт болған кезде тағылымдамадан өтуге арналған шарт жасалмауы мүмкін;
2) 2-қосымшада көрсетілген нысан бойынша жіберуші және қабылдаушы тараптармен келісілген тағылымдама бағдарламасы;
3) ғылыми ұйымнан немесе тиісті мамандық саласынан немесе қызмет саласынан тағылымдамаға шақыру хатының көшірмесі (3-қосымша). Егер шақыру шет тілінде жасалса, оған қазақ немесе орыс тілдеріндегі аударма қоса беріледі;
4) факультет деканының магистрантты кафедра меңгерушісінің визасымен тағылымдамаға жіберу туралы ұсынысы;
5) магистранттың ғылыми жетекшімен, кафедра меңгерушісімен, факультет деканымен келісу туралы тағылымдамадан өту орны, визалары бар мерзімдері мен қаржылық шарттары көрсетілген тағылымдамадан өту үшін іссапарға рұқсат беру туралы ректордың атына жеке өтініші (4-қосымша).
6) жақын немесе алыс шетелге шығатындар үшін: тіл сертификатының көшірмесі (жоғарыдан қараңыз), ғылыми хатшы куәландырған зерттеу тақырыбы бойынша еңбектер тізімі.
Ағымдағы 2023-2024 оқу жылында «Магистранттар мен докторанттардың (PhD) ғылыми тағылымдамаларын ұйымдастыру тәртібі туралы ережеге» сүйене отырып, қашықтықтан форматта ғылыми тағылымдамадан өтуге, магистранттарды ішкі тағылымдамаларға жіберуге жол беріледі. Академик Е. А. Бөкетова» (2019 жыл).
Тағылымдама орнын, тағылымдама бағдарламасын келісу үшін сізге ғылыми жетекшіге және кафедра меңгерушісіне жүгіну қажет.
Сіз университетпен паритеттік негізде ғылыми ынтымақтастық туралы ұжымдық шарттары бар ұйымдарда тағылымдамадан тегін өтуге құқығыңыз бар.
Барлық сұрақтар бойынша тәжірибе бөліміне, Университет көшесі, 28, бас ғимарат, № 113 кабинет, тел. + 7 7212 31-22-99, е-mail: prof_p@ksu.kz
Қолданбаларды жүктеп алыңыз